کِسے سلام کروں ( سیمین دانشور )

Description

سیمین دانشور (۱۹۳۱-۲۰۱۲) کو فارسی معاصر ادب کی پہلی ناول نگار، افسانہ نگار اور مترجم کے طور پر مانا جاتا ہے۔ وہ ایران کی پہلی خاتون افسانہ نگار ہیں جنہوں نے ایرانی معاشرے میں اپنے دور کے مرد مصنفین کے درمیان لکھنے کا حوصلہ پیدا کیا۔ ” آتش خاموش سیمین دانشور کے فارسی افسانوں کا پہلا مجموعه ۱۹۴۸ جبکہ ان کا پہلا ناول سووشون ۱۹۶۹ میں شائع ہوا۔ ان کے دیگر آثار میں : ناول ساربان سرگردان اور جزیرہ سرگردانی جبکہ انسانوں کے مجموعے: شهری چون بهشت، به که سلام کنم؟، از پرنده های مهاجر پرس اور انتخاب شامل ہیں۔

ڈاکٹر امبر یاسمین استاد فارسی زبان وادب محقق ، مقالہ نگار اور مترجم ہیں۔ فارسی زبان وادب کی تدریس کا آغاز ۱۹۹۸ میں کیا۔ آپ کے اس سے قبل دو تراجم سخن فارسی کے آفاق رنگ رنگ اور خواجہ عبداللہ انصاری کی تفسیر سوره الفاتحه ماخوذ از کشف الاسرار وعدة الابرار معروف به تفسیر خواجه عبداللہ انصاری کا اردو ترجمہ مشترکہ کاوش کی صورت میں منظر عام پر آچکے ہیں۔ ترجمہ ہذا یمین دانشور کے منتخب فارسی افسانوں کا اردو ترجمہ ہے۔ عصر حاضر میں تراجم کی اہمیت، لسانی، ادبی اور ثقافتی اشتراکات کو مد نظر رکھتے ہوئے اس ترجمہ کو قارئین کی خدمت میں پیش کیا جاتا ہے۔